گون آیدین و اوغورلار
هربیر ملتین بورجی دور اؤز دیلینه وادبیاتینا خدمت گؤرسده وبویولدا بوتون چتینلیک لره سینه گله . بو بئله دئمک دییر کی ، باشقا ویابانجی دیللر وادبیات لار اوخوش وآخداریش لارا اویقون دئییل! بلکه بونو ایثبات ائدیر کی اینسان نه قدر دیل بیلیرسه او سایدا اینساندی دئمک اولار ایکی دیل بیلیرسن سه ایکی آدام سان ویا بئش دیل بیلیرسن بئش خالقین ادبییاتین- فولکولورون - عادت وعنعنه لرین ...بیلیرسن .آنجاق بوردا بیر اونملی قونو یا توخونماق اولار کی ،ایلک اونجه اینسان اؤز دیلینین ، ادبیاتینین هابئله فولکولورونون ، کئچمیشینین اینجلیک لرینی وگؤزلیک لرینی اؤرگنیب ودؤیا وهربیر یندن عبرت آلا ویاشاییشیندا ایشله ده ونئجه دئییرلر ازل مسجیدین ایچی دی سونرا ائشی یی.
من وبلاگیمدا چالیشاجییام آشیق یارادیجیلیغین دان ، شعر وادبیاتدان یازام وآذربایجانین گؤزل وگؤرملی یئرلریندن امکان اولانا قدر سیزه گؤستریب وتانیتدیرام.
هرکس کی منیم وبلاگیما باش چکیب واوخویوب واؤز فیکیرلرینی ونظرلرینی منه چاتدیرسا ، اورک ائویندن اونا تشکر ائدیب ومنت دارلیغیمی بیلدیریرم قوی تانری اینسانلارا یاردیمجی اولسون وگؤزل اینسانلار اؤز آرزی وایستکلرینه چاتسین لار .آمین